កំពូលចោរចិត្តជា

រឿងចាប់ផ្តើមឡើងនៅពេលដែលបុរសបិទមុខម្នាក់ ដឹកនាំក្រុមនារីៗជាប់ពន្ធនាគារចំនួន ៦រូប បើកប្រតិបត្តិការប្លន់រថភ្លើងក្រោមដីនៅទីក្រុងមុមបៃ និងបង្ខំឱ្យរដ្ឋាភិបាលដោះស្រាយបញ្ហាសង្គមផ្សេងៗ (ដូចជាអំពើពុករលួយក្នុងមន្ទីរពេទ្យ បញ្ហាកសិករ និងសុវត្ថិភាពអាវុធយុទ្ធភណ្ឌ)។ បុរសបិទមុខនេះមានឈ្មោះថា អាហ្សាត (Azad) ដែលជាអគ្គនាយកពន្ធនាគារស្ត្រីម្នាក់។

ការពិតទៅ Azad កើតមកមានបំណងសងសឹកជាមួយឧក្រិដ្ឋជនលក់អាវុធអន្តរជាតិដ៏មានអំណាចម្នាក់ឈ្មោះ កាលី (Kalee)។ កាលពីអតីតកាល ឪពុកបង្កើតរបស់ Azad គឺ វីក្រាម រ៉ាថ័រ(Vikram Rathore) ដែលជាកងកម្លាំងពិសេស ត្រូវ បានគេបោកប្រាស់ និងចោទប្រកាន់ថាជាជនក្បត់ជាតិ ព្រោះតែគាត់ព្យាយាមលាតត្រដាងរឿងអាវុធខូចគុណភាពពី Kalee។ ពេលនោះ ឪពុកត្រូវ Kalee បាញ់ទម្លាក់ពីលើយន្តហោះ (ប៉ុន្តែការពិតគាត់មិនស្លាប់ទេ គ្រាន់តែបាត់បង់ការចងចាំ និងត្រូវជនបទជួយសង្គ្រោះទុក) ចំណែកម្តាយត្រូវគេកាត់ទោសប្រហារជីវិតទាំងបំពាន។

រឿងរ៉ាវកាន់តែរំភើបនៅពេលដែល Azad ត្រូវប៉ូលកាស៊ើបអង្កេតតាមប្រមាញ់ (ដែលដឹកនាំដោយតួស្រី ណាម៉ារដា ក្រោយមកក្លាយជាភរិយាគាត់) ប៉ុន្តែក្រោយមកនាងបានដឹងរឿងពិតហើយក៏ងាកមកជួយ Azad វិញ។ ពេលសាច់រឿងឈានដល់ចំណុចកំពូល វីក្រាម (ឪពុក) ក៏បានជាសះស្បើយការចងចាំវិញ ហើយឪពុកកូនទាំងពីរបានរួមដៃគ្នាប្តូរផ្តាច់ជាមួយក្រុម Kalee។

ពួកគេអាចបំបែកអាណាចក្រអាជីវកម្មខុសច្បាប់របស់ Kalee បានសម្រេច ហើយធ្វើការកាត់ទោស Kalee តាមរយៈការឃុំឃាំងនិងប្រហារជីវិតសងសឹកវិញ។ ឈ្មោះរបស់ឪពុកត្រូវ បានលាងសម្អាតភាពបរិសុទ្ធវិញ ហើយ Azad ក៏បានក្លាយជាវីរជនជាតិ ព្រមទាំងផ្តល់សារអប់រំដល់ប្រជាពលរដ្ឋឱ្យចេះប្រើប្រាស់សិទ្ធិអំណាចបោះឆ្នោតជ្រើសរើសអ្នកដឹកនាំឱ្យបានត្រឹមត្រូវ ដើម្បីកសាងសង្គមល្អប្រសើរ។

[Jawan]