ល្បែងប្តូរអត្តសញ្ញាណ

រឿងនេះនិយាយអំពី “លាវ ឈ័នឡុង” (Liu Quan Long) ដែលជាយុវជនម្នាក់កើតក្នុងត្រកូលទាប រស់នៅពឹងផ្អែកលើខ្លួនឯង និងតែងតែតស៊ូក្នុងជីវិត។ ថ្ងៃមួយ រូបគេទទួលបានឱកាសប្តូរជីវិតជាមួយប្រុសក្មេងម្នាក់ទៀតមកពីវណ្ណៈផ្សេង នៅក្នុងសាកលវិទ្យាល័យដ៏ល្បីល្បាញមួយ។ ប៉ុន្តែដោយនឹកស្មានមិនដល់ អ្វីដែលកំពុងរង់ចាំរូបគេនៅខាងមុខ គឺជាល្បែងដ៏រំភើបញាប់ញ័រមួយទៅវិញ។

លាវ ឈ័នឡុង ជាយុវជនក្រីក្រដែលគ្មានលទ្ធភាពចូលរៀនសាកលវិទ្យាល័យឡើយ ប៉ុន្តែគេមានទេពកោសល្យដ៏អស្ចារ្យ។ មុនពេលជួប “ឆិន លុន” (Chen Lun) គេគ្រាន់តែជាអ្នកមើលការខុសត្រូវហាងអ៊ីនធឺណិតម្នាក់នៅខាងក្រៅសាកលវិទ្យាល័យ ដែលគ្មាននរណាម្នាក់ចាប់អារម្មណ៍នោះទេ។

ចំណែកឯ ឆិន លុន វិញ មានប្រភពចេញពីគ្រួសារអភិជនជាន់ខ្ពស់ និងបានសិក្សានៅសាកលវិទ្យាល័យលំដាប់ថ្នាក់ដឹកនាំមួយ ដែលស្ថិតនៅចំឈមមុខនឹងហាងអ៊ីនធឺណិតនោះតែម្តង ប៉ុន្តែគេគ្មានបំណងចង់ទៅរៀនបន្តិចសោះឡើយ។ ដើម្បីទប់ទល់ជាមួយឱពុកម្តាយដែលរស់នៅបរទេស គេក៏បានសម្តែងការអញ្ជើញ លាវ ឈ័នឡុង ឱ្យចូលរួមក្នុងល្បែង “ប្តូរអត្តសញ្ញាណ” ដោយស្នើឱ្យ លាវ ឈ័នឡុង ទៅរៀនជំនួសរូបគេ។

[Game of Identity]