គេចពីដីនរក

ឈ្មោះ ឃ្យូណាម។ ដោយសារតែមានគំនាបខ្លាំងពីថ្នាក់លើ និងការជិះជាន់បំបិទសិទ្ធសេរីភាពជាបន្តបន្ទាប់ ឃ្យូណាមក៏បានចាប់ផ្តើមរៀបចំគម្រោង លួចរត់គេចចេញពីកូរ៉េខាងជើង បំណងទៅកូរ៉េខាងត្បូង។ ប៉ុន្តែជាចៃដន្យអាក្រក់ ផែនការរបស់ឃ្យូណាមក៏ត្រូវបានបែកធ្លាយ បន្ទាប់ពី ដុងយុគ ដែលជាមិត្តរួមកងពល បានស៊ើបដឹងពីគម្រោងរបស់គេ និងចង់រត់គេចពីកូរ៉េខាងជើងជាមួយគេដែរ រហូតនាំឱ្យពួកគេត្រូវឈានដល់ការចាប់ខ្លួនទាំងពីរនាក់ និងយកទៅឃុំនៅប៉ុស្តិ៍យុនប៉ុងរី។ ក្រោយមក ឃ្យូណាម ក៏ទទួលបានការធានាឱ្យនៅក្រៅឃុំពីសំណាក់អតីតមិត្តរួមសាលា ដែលបច្ចុប្បន្នជាមន្ត្រីថ្នាក់ខ្ពស់គឺ ឧត្តមសេនីយ លី យុនសាំង។ ដោយស្ថានភាពបង្ខំ បន្ទាប់ពីបានគេចរួចខ្លួនពីការចោទប្រកាន់ភ្លាម ឃ្យូណាម គេបានបន្តការរិះរកគ្រប់មធ្យោបាយដើម្បីអាចសម្រេចបំណងរបស់ខ្លួនដែលបានគិតប៉ងមកជាយូរ ដោយប្រថុយ បន្លំចូលក្លែងបន្លំឯកសារពាក់ព័ន្ធមួយចំនួន ក្នុងចេតនាវិលត្រឡប់ទៅមូលដ្ឋានដើមវិញ តែក៏ត្រូវបានកម្លាំងល្បាតប្រចាំតំបន់យុនបូរី ធ្វើការឃាតិសួរនាំ។ តែដោយការកុហកមុខស្ងួត ទីបំផុតគេអាចបោកពួកមន្ត្រីល្បាតទាំងនោះបាន ហើយព្រមទាំងបានជួយ ដុងយុគ ឱ្យចេញពីប៉ុស្តិ៍ឃុំឃាំងនោះ និងមករួមដំណើររត់គេចជាមួយគ្នា។ តែយ៉ាងណា ក្នុងដំណើរនេះ ពួកគេត្រូវជួបឧបសគ្គស្ទើរស្លាប់រស់ជាច្រើនដំណាក់កាល ជាពិសេសពីការតាមចាប់ខ្លួន និងការបាញ់សម្លាប់របស់ឧត្តមសេនីយ លី យុនសាំង។ លទ្ធផលចុងក្រោយ សំណាញ់មច្ចុរាជ ក៏នៅតែមិនបានបន្ធូរដៃឡើយលើពួកគេ។ ដូច្នេះ តើពួកគេនឹងអាចនៅមានជីវិត និងសម្រេចបំណងចង់រត់គេចពីកូរ៉េខាងជើងបានឬយ៉ាងណា? ចង់ដឹងច្បាស់ កុំភ្លេចចូលទៅទស្សនារឿងពេញ ដែលមាននៅក្នុងវេបសាយ khdiamond ផ្ទាល់។