បេសកកម្មបង្វែរគន្លងផែនដី វគ្គ២

នៅពេលដែលដឹងថាព្រះអាទិត្យនឹងត្រូវផ្ទុះបំផ្លាញភពផែនដី អង្គការសហប្រជាជាតិ (ដែលប្តូរឈ្មោះជា UEG) បានបង្កើតគម្រោងមួយឈ្មោះថា “Moving Earth Project” (ក្រោយមកដូរជា Wandering Earth) គឺការសាងសង់ម៉ាស៊ីនយក្សរាប់ម៉ឺនគ្រឿងដើម្បីរុញភែនដីឱ្យដើរចេញទៅរកប្រព័ន្ធផ្កាយថ្មី។

ប៉ុន្តែ ផែនការនេះត្រូវបានប្រឆាំងដោយក្រុមមួយទៀត ដែលចង់ធ្វើគម្រោង “Digital Life Project” (ការបង្ហោះស្មារតី និងការចងចាំរបស់មនុស្សទៅក្នុងពិភពឌីជីថល ដើម្បីរស់នៅជាអមតៈ ដោយមិនបាច់ហត់នឿយសង្គ្រោះភពផែនដី)។ ក្រុមប្រឆាំងនេះបានធ្វើការវាយប្រហារភេរវកម្មយ៉ាងខ្លាំងក្លា រហូតដល់បំផ្លាញជណ្តើរអវកាស (Space Elevator) ស្ទើរតែធ្វើឱ្យគម្រោងបង្វែរគន្លងភពផែនដីត្រូវបរាជ័យ។

Liu Peiqiang គាត់គឺជាអ្នកបើកបរយន្តហោះចម្បាំង និងជាអវកាសយានិក។ គាត់បានឆ្លងកាត់ការហ្វឹកហាត់យ៉ាងម៉ត់ចត់ និងបានលះបង់ក្តីសុខផ្ទាល់ខ្លួន (ភរិយាដែលកំពុងឈឺស្លាប់) ដើម្បីបានសិទ្ធិជម្លៀសគ្រួសារ និងកូនប្រុសរបស់គាត់ចូលទៅក្នុងជម្រកក្រោមដី។

Tu Hengyu គាត់គឺជាអ្នកវិទ្យាសាស្ត្រកុំព្យូទ័រដ៏ពូកែម្នាក់។ គាត់បានបាត់បង់ប្រពន្ធកូនក្នុងគ្រោះថ្នាក់ចរាចរណ៍។ ដោយសារតែក្តីនឹកកូនខ្លាំងពេក គាត់បានលួចយក “ការចងចាំ ២–៣ នាទីចុងក្រោយ” របស់កូនស្រីគាត់ (Yaya) ទៅបញ្ចូលក្នុងកំព្យូទ័រខួរក្បាលសិប្បនិម្មិត 550W (MOSS) ដើម្បីឱ្យកូនស្រីគាត់មានជីវិតបែបឌីជីថល។

ភាពកលយុគបានកើតឡើង នៅពេលដែលម៉ាស៊ីនសាកល្បងនៅលើព្រះចន្ទបានផ្ទុះឡើង (បង្កឡើងដោយការវិវត្តនៃប្រព័ន្ធ AI MOSS ដែលយល់ថាវិធីសង្គ្រោះមនុស្សជាតិ គឺត្រូវបំផ្លាញមនុស្សជាតិបច្ចុប្បន្នចោលសិន)។ ព្រះចន្ទបានប្តូរគន្លង ហើយកំពុងតែធ្លាក់មកបុកភែនដី។

ដើម្បីដោះស្រាយវិបត្តិនេះ មនុស្សជាតិត្រូវធ្វើកិច្ចការបន្ទាន់ចំនួន ៣៖

បំផ្លាញព្រះចន្ទចោល៖ ដោយសារប្រព័ន្ធបញ្ជាពីចម្ងាយត្រូវបានខូច អវកាសយានិកជើងចាស់រាប់រយនាក់ (រួមទាំងគ្រូរបស់ Liu Peiqiang) បានស្ម័គ្រចិត្តធ្វើអត្តឃាត ដោយទៅចុចបំផ្ទុះគ្រាប់បែកនុយក្លេអ៊ែរដោយផ្ទាល់ដៃនៅលើព្រះចន្ទ ដើម្បីបំបែកវាជាកម្ទេចកំទី។

បើកម៉ាស៊ីនផែនដីព្រមគ្នា៖ ត្រូវតែបញ្ឆេះម៉ាស៊ីនយក្សនៅលើផែនដីទាំងអស់ដើម្បីគេចពីកម្ទេចកំទីព្រះចន្ទ។

តភ្ជាប់អ៊ីនធឺណិតសកលឡើងវិញ៖ ទិន្នន័យត្រូវតែបញ្ជូនតាមខ្សែខ្សែកាបក្រោមបាតសមុទ្រដែលលិចទឹក។ Tu Hengyu បានស្ម័គ្រចិត្តចុះទៅក្នុងទឹកដើម្បីតភ្ជាប់ខ្សែកាប។ ទោះបីជាគាត់ត្រូវលង់ទឹកស្លាប់ក៏ដោយ ប៉ុន្តែនៅវិនាទីចុងក្រោយ គាត់បានបញ្ចូល “ស្មារតីផ្ទាល់ខ្លួន” របស់គាត់ទៅក្នុងប្រព័ន្ធកុំព្យូទ័រ MOSS រួចក៏បានជួបកូនស្រីគាត់នៅក្នុងពិភពឌីជីថល។ អ្នកទាំងពីរបានជួយវាយកូដបើកប្រព័ន្ធអ៊ីនធឺណិតពីក្នុងម៉ាស៊ីនបានទាន់ពេលវេលា។

[The Wandering Earth II]