តាកេមីឈី ហាណាហ្គាគី (Takemichi Hanagaki) គឺជាបុគ្គលិក  (Freelancer) ម្នាក់ ដែលបានធ្លាក់ខ្លួនដល់ចំណុចទាបបំផុតនៃភាពអស់សង្ឃឹមក្នុងជីវិត។ ថ្ងៃមួយ គេបានដឹងថា ហ៊ីណាតា តាមីបាណា (Hinata Tachibana) ដែលជាសង្សារតែម្នាក់គត់ក្នុងឆាកជីវិតរបស់គេកាលពីសម័យរៀនអនុវិទ្យាល័យ ត្រូវបានសម្លាប់ដោយក្រុមក្មេងទំនើងដ៏សាហាវឃោរឃៅ ឈ្មោះថា តូក្យូ ម៉ាន់ជិ (Tokyo Manji Gang)។ មួយថ្ងៃបន្ទាប់ពីបានឮដំណឹងមរណភាពរបស់នាង ពេលដែលគេកំពុងឈរនៅលើផ្លេតហ្វម (Platform) នៃស្ថានីយរថភ្លើង គេក៏ត្រូវបានហ្វូងមនុស្សរុញច្រានរហូតធ្លាក់ទៅលើផ្លូវរថភ្លើង។ គេបានបិទភ្នែកទាំងគិតថាខ្លួនឯងជិតស្លាប់ទៅហើយ ប៉ុន្តែពេលបើកភ្នែកឡើងវិញ គេស្រាប់តែបានធ្វើដំណើរថយក្រោយទៅអតីតកាលកាលពី ១២ ឆ្នាំមុនដោយមិនដឹងខ្លួន។ នៅពេលដែលបានត្រឡប់មកជួបជុំនឹងពេលវេលាដ៏ល្អបំផុតក្នុងជីវិតសារជាថ្មី តាកេមីឈី ក៏បានសម្រេចចិត្តសងសឹក និងកែប្រែព្រឹត្តិការណ៍ជីវិតរបស់គេឡើងវិញ។